KL Rahul-Athiya Shetty Wedding: केएल राहुल 23 जानेवारीला अथिया शेट्टीसोबत अडकू शकतो विवाहबंधनात, बीसीसीआयकडून मिळाली सुट्टी
न्यूझीलंडविरुद्धच्या आगामी वनडे आणि टी-20 मालिकेसाठी केएल राहुलचा संघात समावेश करण्यात आलेला नाही. शनिवारी बीसीसीआयने सांगितले की, राहुलला वैयक्तिक कारणांमुळे विश्रांती देण्यात आली आहे. या ब्रेकनंतर आता राहुल लवकरच लग्नबंधनात अडकणार असल्याचे स्पष्ट झाले आहे.
KL Rahul-Athiya Shetty Wedding: टीम इंडियाचा अनुभवी विकेटकीपर-फलंदाज केएल राहुल 23 जानेवारीला बॉलिवूड अभिनेत्री अथिया शेट्टीसोबत लग्नगाठ बांधू शकतो. बीसीसीआयने केएल राहुलला सुट्टी दिली आहे. न्यूझीलंडविरुद्धच्या आगामी वनडे आणि टी-20 मालिकेसाठी केएल राहुलचा संघात समावेश करण्यात आलेला नाही. शनिवारी बीसीसीआयने सांगितले की, राहुलला वैयक्तिक कारणांमुळे विश्रांती देण्यात आली आहे. या ब्रेकनंतर आता राहुल लवकरच लग्नबंधनात अडकणार असल्याचे स्पष्ट झाले आहे. सूत्रांकडून मिळालेल्या माहितीनुसार, लग्नाचा कार्यक्रम तीन दिवसांचा असेल. पहिल्या दोन दिवसात हळद, मेंदी आणि संगीताचे विधी होतील. आणि तिसऱ्या दिवशी दोघेही सात फेऱ्या घेतील. सुनील शेट्टी यांच्या खंडाळ्यातील बंगल्यावर हे लग्न होऊ शकते. टीम इंडियाचा कर्णधार रोहित शर्मा, माजी कर्णधार विराट कोहली आणि एमएस धोनी त्यांच्या कुटुंबियांसोबत केएल राहुलच्या लग्नात पोहोचू शकतात.