Swiggy-Zomato Troll Naveen-ul-Haq: LSG च्या दारूण पराभवानंतर स्विगी-झोमॅटोने खास पोस्ट करत केलं नवीन-उल-हकला ट्रोल

Swiggy-Zomato Troll Naveen-ul-Haq: विराट कोहलीसोबत झालेल्या वादानंतर लखनऊ सुपरजायंट्सचा गोलंदाज नवीन-उल-हक भारतीय चाहत्यांच्या निशाण्यावर आहे. भारतीय चाहते या गोलंदाजाला सोशल मीडियावर ट्रोल करताना दिसतात. चेन्नई येथे बुधवारी IPL 2023 एलिमिनेटर सामन्यात क्षेत्ररक्षण करताना भारतीय चाहत्यांनी नवीन-उल-हकला चिडवण्याचा प्रयत्न केला. हा व्हिडिओ सोशल मीडियावर चांगलाच व्हायरल होत आहे. एलिमिनेटर सामन्यात लखनऊच्या मुंबई इंडियन्सविरुद्ध 81 धावांनी पराभव झाल्यानंतर नवीन-उल-हक सोशल मीडियावर अधिक ट्रोल होत आहे. आरसीबीचे चाहते नवीनला मजेदार मीम्स शेअर करत ट्रोल करत आहेत. नवीन उल हकचे आंब्यासोबतचे फोटो खूप शेअर केले जात आहेत. दरम्यान, स्विगी आणि झोमॅटोने देखील नवीनचे आंब्यासोबत मीम्स शेअर करून ट्रोल केलं आहे. (हेही वाचा -Mumbai Beat Lucknow: चेपॉकमध्ये मुंबईच्या मधवालची धूम, 3.3 षटकात 5 धावा देत घेतल्या 5 विकेट, जाणून घ्या सामन्याचा टर्निंग पॉइंट)