Shreyas Iyer Back in the Nets: वर्ल्डकपपूर्वी टीम इंडियासाठी दिलासादायक बातमी, श्रेयस अय्यरने सुरु केला फलंदाजीचा सराव
अय्यर हा एकदिवसीय सामन्यांमध्ये चौथ्या क्रमांकावर फलंदाजी करत असल्याने टीम इंडियासाठी विजय मिळवणारा खेळाडू आहे. 28 वर्षीय खेळाडूने गेल्या एका वर्षात चौथ्या क्रमांकावर चांगली फलंदाजी केली आहे आणि या स्थानावर निवडकर्त्यांची पहिली पसंती आहे.
भारतीय चाहत्यांसाठी एक आनंदाची बातमी आहे. कारण टीम इंडियाचा स्टार फलंदाज श्रेयस अय्यरने (Shreyas Iyer) पुन्हा फलंदाजीचा सराव सुरू केला आहे. पाठीच्या दुखण्यामुळे पाकिस्तान आणि श्रीलंकेविरुद्धचे दोन सामने खेळू शकलेल्या अय्यरने सराव सत्रात शानदार फलंदाजी केली. भारताचा पुढील सामना बांगलादेशविरुद्ध शुक्रवारी (15 सप्टेंबर) होणार असून अय्यरने फिटनेस चाचणी उत्तीर्ण केल्यास त्याला प्लेइंग इलेव्हनमध्ये स्थान मिळण्याची शक्यता आहे. अय्यर हा एकदिवसीय सामन्यांमध्ये चौथ्या क्रमांकावर फलंदाजी करत असल्याने टीम इंडियासाठी विजय मिळवणारा खेळाडू आहे. 28 वर्षीय खेळाडूने गेल्या एका वर्षात चौथ्या क्रमांकावर चांगली फलंदाजी केली आहे आणि या स्थानावर निवडकर्त्यांची पहिली पसंती आहे. विश्वचषकापूर्वी भारताचे केवळ पाच एकदिवसीय सामने शिल्लक आहेत. अय्यरच्या पूर्ण फिटनेसची चाचणी घेण्यासाठी भारत उत्सुक असेल.