Shubman Gill Health Update: भारत-पाक सामन्यासाठी शुभमन गिल 99 टक्के फिट, कर्णधार रोहितचा पत्रकार परिषदेत मोठा खुलासा
शनिवार, 14 ऑक्टोबर रोजी होणाऱ्या सामन्यापूर्वी शुभमन गिल 99 टक्के फिट झाला आहे. अशा परिस्थितीत तो हायव्होल्टेज सामन्यात खेळण्याची पूर्ण शक्यता आहे. भारतीय कर्णधार रोहित शर्माने सामनापूर्व पत्रकार परिषदेत याचा खुलासा केला आहे.
भारत विरुद्ध पाकिस्तान (IND vs PAK) सामन्यातील शुभमन गिलच्या (Shubman Gill) खेळाबाबत एक मोठे अपडेट समोर आले आहे, ज्याची माहिती खुद्द भारतीय कर्णधार रोहित शर्माने (Rohit Sharma) दिली आहे. शनिवार, 14 ऑक्टोबर रोजी होणाऱ्या सामन्यापूर्वी शुभमन गिल 99 टक्के फिट झाला आहे. अशा परिस्थितीत तो हायव्होल्टेज सामन्यात खेळण्याची पूर्ण शक्यता आहे. भारतीय कर्णधार रोहित शर्माने सामनापूर्व पत्रकार परिषदेत याचा खुलासा केला आहे. विश्वचषकाच्या पहिल्या सामन्यापूर्वीच शुभमन गिलला डेंग्यू झाला होता. त्यामुळे तो ऑस्ट्रेलियाविरुद्ध चेन्नई आणि दिल्लीत अफगाणिस्तानविरुद्धच्या सामन्यात खेळू शकला नाही. पाकिस्तानविरुद्धच्या सामन्यातही गिलच्या खेळण्यावर शंका होती. भारतीय संघ गुरुवारी अहमदाबादला पोहोचण्याच्या काही तास आधी शुभमन गिल येथे पोहोचला होता. काल गिलने तासभर नेटवर सराव केला होता. त्याचवेळी शुभमन गिलही शुक्रवारी सराव सत्रासाठी भारतीय संघासोबत दिसुन आला.