Rohit Sharma दुसऱ्यांदा झाला पिता? कर्णधाराच्या घरी जूनियर 'हिटमॅन'चे आगमन झाल्याची सोशल मीडियावर चर्चा

Rohit Sharma Blessed With Baby Boy: बॉर्डर गावस्कर ट्रॉफीपूर्वी भारतीय संघाचा कर्णधार रोहित शर्मासाठी आनंदाची बातमी समोर आली आहे. दुसऱ्यांदा रोहित शर्माच्या घरात हशा पिकला आहे. भारतीय कर्णधार पुन्हा एकदा बाप झाला आहे. त्याची पत्नी रितिका सजदेह हिने शुक्रवारी एका मुलाला जन्म दिला. याची चर्चा जोरदार सोशल मीडियावर रंगली आहे. हिटमॅन आणि रितिका दुसऱ्यांदा आई-वडील झाल्याची बातमी आल्यानंतर त्यांना सतत अभिनंदनाचे मेसेज येऊ लागले आहेत. मात्र, रोहित शर्माच्या बाजूने अशी कोणतीही माहिती समोर आलेली नाही. या मुलाच्या जन्मापूर्वी रोहित आणि रितिका यांना एक मुलगी आहे. जिचे नाव समायरा आहे. रोहित आणि रितिका यांनी 2015 मध्ये लग्न केले होते. लग्नाच्या 3 वर्षानंतर म्हणजेच 2018 मध्ये रोहित आणि रितिका पहिल्यांदाच आई-वडील झाले आणि समायराचा जन्म झाला. आता लग्नासाठी 9 वर्षांच्या प्रतीक्षेनंतर दोघेही दुसऱ्यांदा आई-वडील झाले असून रितिकाने एका मुलाला जन्म दिला आहे.