Rajasthan Beat Kolkata: राजस्थाने कोलकात्याचा नऊ गडी राखून केला पराभव; यशस्वी जैस्वालने 98 आणि सॅमसनने केल्या 48 धावा
या सामन्यात राजस्थान रॉयल्सने कोलकाता नाईट रायडर्सचा नऊ गडी राखून पराभव केला.
इंडियन प्रीमियर लीगच्या (IPL 2023) 16 व्या मोसमातील 56 वा सामना आज कोलकाता नाईट रायडर्स आणि राजस्थान रॉयल्स यांच्यात खेळला गेला. दोन्ही संघांमधील हा सामना कोलकाताच्या होम ग्राउंड ईडन गार्डन स्टेडियमवर खेळला गेला. या सामन्यात राजस्थान रॉयल्सने कोलकाता नाईट रायडर्सचा नऊ गडी राखून पराभव केला. तत्पूर्वी, राजस्थान रॉयल्सचा कर्णधार संजू सॅमसनने नाणेफेक जिंकून प्रथम गोलंदाजी करण्याचा निर्णय घेतला. नाणेफेक हारल्यानंतर कोलकाता नाईट रायडर्सच्या संघाने प्रथम फलंदाजी करताना निर्धारित 20 षटकांत आठ गडी गमावून 149 धावा केल्या. कोलकाता नाईट रायडर्सकडून व्यंकटेश अय्यरने सर्वाधिक 57 धावा केल्या आहेत. राजस्थान रॉयल्सकडून युजवेंद्र चहलने सर्वाधिक चार विकेट घेतल्या. लक्ष्याचा पाठलाग करताना राजस्थान रॉयल्स संघाने केवळ 13.1 षटकांत एक गडी गमावून लक्ष्य गाठले. राजस्थान रॉयल्सच्या वतीने सलामीवीर यशस्वी जैस्वालने वेगवान फलंदाजी करताना सर्वाधिक 98 धावांची नाबाद खेळी खेळली.
('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)