Kevin Pietersen Congratulates Modi: नरेंद्र मोदी तिसऱ्यांदा घेणार पंतप्रधानपदाची शपथ, इंग्लंडचा माजी कर्णधार केविन पीटरसनने दिल्या शुभेच्छा! हिंदीत केले ट्विट

नरेंद्र मोदी (Narendra Modi) तिसऱ्यांदा पंतप्रधानपदी (Prime Minister) विराजमान होणार आहेत. रविवार, 9 जून 2024 रोजी मोदी पंतप्रधानपदाची शपथ घेणार आहेत. शपथविधीची (Swearing Ceremony) तारीखही ठरली असून 9 जून रोजी संध्याकाळी 6 वाजता मोदी पंतप्रधानपदी विराजमान होतील, अशी माहिती भाजपचे ज्येष्ठ नेते प्रल्हाद जोशी यांनी एनडीएच्या संसदीय पक्षाच्या बैठकीत दिली. या सगळ्या घडामोडीनंतर इंग्लंडचा माजी कर्णधार केविन पीटरसनने पंतप्रधान नरेंद्र मोदींना तिसऱ्या कार्यकाळासाठी हिंदीतून ट्विट करून शुभेच्छा दिल्या आहेत. केविन पीटरसनने ट्विट करून म्हटले आहे की, "भारताचे नेतृत्व करण्यासाठी आणखी एक कार्यकाळ मिळवल्याबद्दल नरेंद्र मोदींचे खूप खूप अभिनंदन." मी जेव्हा-जेव्हा भारतात येतो, तेव्हा देश अधिक चांगला होत असतो. किती छान काम आहे सर! खूप खूप शुभेच्छा आणि खूप प्रेम.