Bangladesh Cricket Team: बांगलादेश क्रिकेट संघावर पैशांचा पाऊस, घरात घूसुन पाकिस्तानला पराभूत केल्याबद्दल मिळाले 'इतके' कोटी रुपये

BAN vs PAK: बांगलादेश संघाने अलीकडेच पाकिस्तानविरुद्धची दोन सामन्यांची कसोटी मालिका 2-0 अशी जिंकून इतिहास रचला होता. बांगलादेशने पाकिस्तानच्या भूमीवर प्रथमच कसोटी मालिका जिंकली होती. संघाच्या या विजयानंतर बांगलादेश क्रिकेट संघावर पैशांचा पाऊस पडला आहे. बांगलादेश सरकारने संघाला करोडो रुपये दिले आहेत. 14 सप्टेंबर रोजी, बांगलादेशच्या अंतरिम सरकारने बांगलादेश राष्ट्रीय क्रिकेट संघाला BDT 3.2 कोटी (भारतीय रुपयांमध्ये 2.25 कोटी) दिले. BCB अध्यक्ष फारुख अहमद यांनी युवा आणि क्रीडा मंत्रालयाचे सल्लागार असिफ महमूद यांच्याकडून बोनस स्वीकारला, त्यातील काही भाग पूरग्रस्तांच्या मदतीसाठी दान केला जाईल. या कार्यक्रमाचा व्हिडिओ बांगलादेश क्रिकेटच्या अधिकृत पेजवरून शेअर करण्यात आला आहे.