Mohammad Rizwan New Record: बांगलादेशविरुद्ध मोहम्मद रिझवानची शानदार फलंदाजी, 150 धावा करताच नावावर केला हा मोठा विक्रम

Pakistan National Cricket Team vs Bangladesh National Cricket Team: पाकिस्तानचा यष्टिरक्षक फलंदाज मोहम्मद रिझवान आपल्या कारकिर्दीत नवनवे विक्रम करताना दिसतो. बांगलादेशविरुद्ध खेळल्या जात असलेल्या पहिल्या कसोटी सामन्याच्या दुसऱ्या दिवशी गुरुवारी रिझवानने शानदार फलंदाजी करत पाकिस्तानला संकटातून सोडवले. रिझवानने केवळ शतकच केले नाही तर आता 150 धावांचा टप्पाही पार केला आहे. यासह त्यांनी इतिहास रचला आहे. कसोटी क्रिकेटमध्ये 150 धावांचा टप्पा ओलांडणारा मोहम्मद रिझवान 2009 नंतर पाकिस्तानचा पहिला यष्टीरक्षक फलंदाज ठरला आहे. यापूर्वी पाकिस्तानचा यष्टिरक्षक कामरान अकमलने 21 फेब्रुवारी 2009 रोजी श्रीलंकेविरुद्ध कराची येथे 158 धावांची नाबाद खेळी खेळली होती.