Shreyas Iyer is Back: मधल्या फळीतील फलंदाज श्रेयस अय्यरचा दिल्ली कसोटीत सामन्यात सामवेश, 'हा' फलंदांज बाहेर बसण्याची शक्यता

IND vs AUS 2nd Test: भारत आणि ऑस्ट्रेलिया (IND vs AUS) यांच्यातील चार सामन्यांच्या कसोटी मालिकेतील दुसरा सामना 17 फेब्रुवारीपासून दिल्लीत खेळवला जाणार आहे. या मालिकेतील पहिल्या सामन्यातील विजयानंतर टीम इंडिया 1-0 ने पुढे आहे. या मालिकेच्या दुसऱ्या सामन्यापूर्वी टीम इंडियासाठी एक मोठी बातमी आहे. स्टार मधल्या फळीतील फलंदाज श्रेयस अय्यर (Shreyas Iyer) पाठीच्या दुखापतीतून सावरला असून मालिकेतील दुसऱ्या सामन्यासाठी त्याचा संघात समावेश करण्यात आला आहे. श्रेयस अय्यर गेल्या वर्षी डिसेंबर महिन्यात बांगलादेशविरुद्ध खेळल्या गेलेल्या कसोटी सामन्यात संघाचा भाग होता, पण पाठीच्या खालच्या भागात दुखापत झाल्यामुळे न्यूझीलंडविरुद्धच्या वनडे मालिकेतून तो बाहेर पडला होता. बॉर्डर-गावस्कर मालिकेतील पहिल्या सामन्यातही तो खेळू शकला नाही. अशा स्थितीत कर्णधार रोहित शर्माला एका खेळाडूला वगळावे लागणार आहे. त्यामुळे सूर्यकुमार यादवला संघातून (Surya Kumar Yadav) वगळले जाईल, अशी शक्यता वर्तवली जात आहे.