LSG vs GT, IPL 2024 21st Match: इंडियन प्रीमियर लीग 2024 चा 21 वा सामना लखनौ सुपर जायंट्स आणि गुजरात टायटन्स (LSG vs GT) यांच्यात खेळला जात आहे. लखनौ येथील भारतरत्न श्री अटल बिहारी वाजपेयी एकना क्रिकेट स्टेडियमवर दोन्ही संघांमधील हा सामना खेळला जात आहे. या मोसमात लखनौ सुपर जायंट्सने 3 सामने खेळले आहेत. या कालावधीत लखनौ सुपर जायंट्सने 2 सामने जिंकले आहेत आणि 1 सामना गमावला आहे. त्याच वेळी, गुजरात टायटन्सने 4 सामने खेळले आहेत, त्यापैकी 2 जिंकले आहेत आणि 2 गमावले आहेत. दरम्यान, लखनौ सुपर जायंट्सचा कर्णधार केएल राहुलने नाणेफेक जिंकून प्रथम फलंदाजी करण्याचा निर्णय घेतला आहे. नाणेफेक जिंकून प्रथम फलंदाजीला आलेल्या लखनौ सुपर जायंट्स गुजरातला 164 धावांचे लक्ष्य दिले आहे. लखनौ सुपर जायंट्ससाठी स्टार फलंदाज मार्कस स्टॉइनिसने 58 धावांची शानदार खेळी केली. गुजरात टायटन्सकडून उमेश यादव आणि दर्शन नळकांडे यांनी प्रत्येकी दोन बळी घेतले. हा सामना जिंकण्यासाठी गुजरात टायटन्स संघाला 20 षटकात 164 धावा करायच्या आहेत.

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)