RR vs LSG, IPL 2023 Match 26 Live Score Update: लखनौने राजस्थानला दिले 155 धावांचे लक्ष्य, मेयर्सचे अर्धशतक, अश्विनने घेतले दोन बळी
विजयाची हॅट्ट्रिक करणाऱ्या राजस्थान रॉयल्स संघाला लखनौ सुपर जायंट्सविरुद्धच्या सामन्यात आपले वर्चस्व कायम राखायचे आहे.
इंडियन प्रीमियर लीगच्या 16व्या हंगामातील 26 वा सामना आज राजस्थान रॉयल्स आणि लखनऊ सुपर जायंट्स यांच्यात खेळला जात आहे. दोन्ही संघांमधील हा सामना जयपूरच्या सवाई मानसिंग स्टेडियमवर खेळला जात आहे. विजयाची हॅट्ट्रिक करणाऱ्या राजस्थान रॉयल्स संघाला लखनौ सुपर जायंट्सविरुद्धच्या सामन्यात आपले वर्चस्व कायम राखायचे आहे. या सामन्याच्या माध्यमातून दोन्ही संघ या मोसमातील आपापला सहावा सामना खेळत आहेत. राजस्थानने आतापर्यंत 5 पैकी 4 सामने जिंकले आहेत, तर लखनौने 5 पैकी 3 सामने जिंकले आहेत. या सामन्यात दोन्ही संघांमध्ये चुरशीची लढत होणार आहे. दरम्यान, राजस्थान रॉयल्सचा कर्णधार संजू सॅमसनने नाणेफेक जिंकून प्रथम गोलंदाजी करण्याचा निर्णय घेतला. नाणेफेक हारल्यानंतर प्रथम फलंदाजी करताना लखनौ सुपर जायंट्स संघाने निर्धारित 20 षटकात 7 गडी गमावून 154 धावा केल्या. लखनौ सुपर जायंट्ससाठी सलामीवीर काइल मेयर्सने सर्वाधिक 51 धावा केल्या. राजस्थान रॉयल्सकडून रविचंद्रन अश्विनने सर्वाधिक दोन विकेट घेतल्या. हा सामना जिंकण्यासाठी राजस्थान रॉयल्सला 20 षटकात 155 धावा करायच्या आहेत.