Jamie Smith New Record: श्रीलंकेविरुद्ध जेमी स्मिथने ठोकले पहिले कसोटी शतक, सर्वात मोठ्या विक्रमाला घातली गवसणी
या सामन्यात जेमी स्मिथने 148 चेंडूत 1 षटकार आणि 8 चौकारांच्या मदतीने 111 धावांची खेळी केली आणि नंतर तो बाद झाला.
England National Cricket Team vs Sri Lanka National Cricket Team: इंग्लंड राष्ट्रीय क्रिकेट संघ (England National Cricket Team) विरुद्ध श्रीलंका राष्ट्रीय क्रिकेट संघ (Sri Lanka National Cricket Team) यांच्यातील पहिला कसोटी सामना मँचेस्टरच्या एमिरेट्स ओल्ड ट्रॅफर्ड स्टेडियमवर खेळवला जात आहे. आज सामन्याचा तिसरा दिवस आहे. दरम्यान, श्रीलंकेविरुद्धच्या पहिल्या कसोटी सामन्याच्या पहिल्या डावात जेमी स्मिथने (Jamie Smith Century) आपल्या कसोटी कारकिर्दीतील पहिले शतक झळकावळे. या सामन्यात जेमी स्मिथने 148 चेंडूत 1 षटकार आणि 8 चौकारांच्या मदतीने 111 धावांची खेळी केली आणि नंतर तो बाद झाला. स्मिथच्या कसोटी क्रिकेट कारकिर्दीतील ही सर्वात मोठी धावसंख्या ठरली. इतकेच नाही तर जेमी स्मिथ इंग्लंडसाठी कसोटी शतक झळकावणारा सर्वात तरुण यष्टीरक्षक ठरला आणि त्याने वयाच्या 24 वर्षे 40 दिवसांत पहिले कसोटी शतक झळकावले. जागतिक कसोटी चॅम्पियनशिपमध्ये शतक झळकावणारा स्मिथ तिसरा यष्टिरक्षक ठरला. त्याच्या आधी केएल राहुल आणि मोहम्मद रिझवान यांनी ही कामगिरी केली होती. या चॅम्पियनशिपमध्ये शतक झळकावणारा स्मिथ इंग्लंडचा पहिला यष्टिरक्षक ठरला.
('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)