IPL 2022: मुंबई इंडियन्सच्या सरावात ‘नकोशा पाहुण्यांची’ घुसखोरी, प्रशिक्षकासह खेळाडूंनीही मैदानात घातले लोटांगण (Watch Video)
यादरम्यान बुधवारी मुंबई इंडियन्सच्या सराव सत्रात मधमाश्यांना हल्ला केला आणि प्रशिक्षकासह खेळाडूंनाही त्यांच्यापुढे लोटांगण घालणे भाग पाडले. मुंबई इंडियन्सने त्यांच्या सोशल मीडियावर याचा व्हिडिओ शेअर केला आहे.
IPL 2022: मुंबई इंडियन्स (Mumbai Indians) संघासाठी आयपीएलचे 15 वे पर्व काही खास ठरलेले नाही. मुंबईने खेळलेले आतापर्यंत सर्व सहा सामन्यात पराभवाची चव चाखली आहे. अशा परिस्थितीत आता टीम त्यांचे पारंपरिक प्रतिस्पर्धी चेन्नई सुपर किंग्सविरुद्ध (Chennai Super Kings) विजय मिळवून खाते उघडण्यासाठी कंबर कसून तयारी करत आहेत. यादरम्यान मुंबई इंडियन्सच्या सराव सत्रात नकोशा पाहुण्यांनी व्यत्यय आणला आणि प्रशिक्षकासह खेळाडूंनाही त्यांच्यापुढे लोटांगण घालणे भाग पडले.