Umran Malik IPL 2022: उमरान मलिकचा खतरनाक बाउन्सर, आणि वेदनेने विव्हळत पंजाबचा कर्णधार मयंक मैदानावर पडला; पाहा व्हिडिओ
या सामन्यात लक्ष्याचा पाठलाग करताना उमरान मलिकचा एक खतरनाक चेंडू पंजाबचा कर्णधार मयंक अग्रवालच्या बरगडीला लागला. हा चेंडू सुमारे 143 प्रतितास वेगाचा होता. चेंडू आदळल्यानंतर मयंक मैदानावर वेदनेने विव्हळताना दिसत होता आणि त्यामुळे सामना काही वेळ थांबवण्यात आला.
Mayank Agarwal vs Umran Malik Video : आयपीएल (IPL) 2022 चा शेवटचा लीग सामना पंजाब किंग्ज (Punjab Kings) आणि सनरायझर्स हैदराबाद (Sunrisers Hyderabad) यांच्यात झाला. सामन्यात पंजाबची फलंदाजी सुरु असताना SRH चा वेगवान गोलंदाज उमरान मलिकचा (Umran Malik) एक चेंडू पंजाबचा कर्णधार मयंक अग्रवालच्या (Mayank Agarwal) अंगावर आदळला आणि तो वेदनेने मैदानावर आडवा झाला. चेंडू थेट मयंकच्या बरगडीला लागला, ज्यामुळे त्याला खूप वेदना होत होत्या त्यामुळे, सामना काही काळ थांबवावा लागला.