IPL 2022, RCB vs SRH Match 36: सनरायझर्स हैदराबाद गोलंदाजांचा बोलबाला, बेंगलोरने उभारली 15 व्या पर्वातील सर्वात निच्चांकी धावसंख्या
टॉस गमावून फलंदाजीला उतरलेल्या रॉयल चॅलेंजर बेंगलोर संघाने हैदराबादच्या गोलंदाजांपुढे अक्षरशः लोटांगण घातले आणि निर्धारित 20 षटकांत सर्वबाद 68 धावांची 15 व्या पर्वातील सर्वात निच्चांकी धावसंख्या उभारली. आरसीबीसाठी सुयश प्रभुदेसाईने 15 आणि ग्लेन मॅक्सवेलने 12 धावा केल्या.
IPL 2022, RCB vs SRH: आयपीएलच्या (IPL) 36 व्या सामन्यात सनरायझर्स हैदराबाद (Sunrisers Hyderabad) गोलंदाजांचा बोलबाला राहिला. टॉस गमावून फलंदाजीला उतरलेल्या रॉयल चॅलेंजर बेंगलोर (Royal Challengers Bangalore) संघाने हैदराबादच्या गोलंदाजांपुढे अक्षरशः लोटांगण घातले आणि निर्धारित 20 षटकांत सर्वबाद 68 धावांची 15 व्या पर्वातील सर्वात निच्चांकी धावसंख्या उभारली. आरसीबीसाठी (RCB) सुयश प्रभुदेसाईने 15 आणि ग्लेन मॅक्सवेलने 12 धावा केल्या. तर अन्य फलंदाज एकेरी धावसंख्येत बाद झाले. दरम्यान बेंगलोरची वैयक्तिक दुसरी तर आयपीएल इतिहासातील सहावी कमी धावसंख्या ठरली आहे. दुसरीकडे, सनरायझर्ससाठी मार्को जॅन्सन (Marco Jansen) आणि टी नटराजन (T Natarajan) यांनी प्रत्येकी तीन विकेट्स घेतल्या. तर जगदीशा सूचितने दोन आणि भुवनेश्वर कुमार व उमरान मलिकने प्रत्येकी एक गडी बाद केला.