PBKS vs GT, IPL 2023 Live Score Update: गुजरात टायटन्सने पंजाब किंग्जचा सहा गडी राखून केला पराभव, सलामीवीर शुभमन गिलने खेळली शानदार अर्धशतकी खेळी
मोहालीतील पंजाब क्रिकेट असोसिएशन आयएस बिंद्रा स्टेडियमवर हा सामना झाला. या सामन्यात गुजरात टायटन्सने पंजाब किंग्जचा सहा गडी राखून पराभव केला.
आज इंडियन प्रीमियर लीगच्या 16व्या हंगामातील 18वा सामना पंजाब किंग्ज आणि गुजरात टायटन्स यांच्यात खेळला गेला. मोहालीतील पंजाब क्रिकेट असोसिएशन आयएस बिंद्रा स्टेडियमवर हा सामना झाला. या सामन्यात गुजरात टायटन्सने पंजाब किंग्जचा सहा गडी राखून पराभव केला. तत्पूर्वी, गुजरात टायटन्सचा कर्णधार हार्दिक पंड्याने नाणेफेक जिंकून प्रथम गोलंदाजी करण्याचा निर्णय घेतला. नाणेफेक हारल्यानंतर प्रथम फलंदाजी करताना पंजाब किंग्ज संघाने निर्धारित 20 षटकांत आठ गडी गमावून 153 धावा केल्या. पंजाब किंग्जकडून मॅथ्यू शॉर्टने सर्वाधिक 36 धावा केल्या आहेत. गुजरात टायटन्सकडून मोहित शर्माने सर्वाधिक दोन बळी घेतले. लक्ष्याचा पाठलाग करताना गुजरात टायटन्स संघाने 19.5 षटकांत चार गडी गमावून लक्ष्य गाठले. गुजरात टायटन्ससाठी सलामीवीर शुभमन गिलने सर्वाधिक 67 धावांची खेळी केली. पंजाब किंग्जकडून सॅम करण, हरप्रीत ब्रार, कागिसो रबाडा आणि अर्शदीप सिंग यांनी सर्वाधिक एक विकेट घेतली.
('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)