Team India साठी आनंदाची बातमी, Ravindra Jadeja तंदुरुस्त आणि मैदानात परतण्यासाठी सज्ज

भारतीय संघ फेब्रुवारी-मार्चमध्ये ऑस्ट्रेलियाविरुद्ध बॉर्डर-गावस्कर ट्रॉफी खेळणार आहे. चारपैकी पहिल्या दोन कसोटी सामन्यांसाठी टीम इंडियाचा संघही नुकताच जाहीर करण्यात आला. दीर्घकाळ दुखापतीमुळे बाहेर असलेल्या रवींद्र जडेजाच्या नावाचाही या संघात समावेश होता. मात्र, तंदुरुस्तीच्या आधारावरच त्याचा संघात समावेश करण्यात आला. आता मात्र टीम इंडियासाठी या महत्त्वाच्या मालिकेपूर्वी एक आनंदाची बातमी समोर आली आहे. त्यानुसार जडेजा ऑस्ट्रेलिया मालिकेपूर्वीच पूर्णपणे तंदुरुस्त झाला असून तो पुन्हा मैदानावर अप्रतिम कामगिरी करण्यास सज्ज झाला आहे. रविवारी जडेजाने एक ट्विट केले आणि लिहिले, वनक्कम चेन्नई... म्हणजे टीम इंडियाचा हा स्टार अष्टपैलू खेळाडू मंगळवारपासून चेन्नईमध्ये तामिळनाडू संघाविरुद्ध खेळण्यासाठी सज्ज आहे. चेन्नईला पोहोचल्यानंतर जडेजाने हे ट्विट केले आणि आपल्या रणजी संघ सौराष्ट्रमध्ये सामील झाला.