ICC Cricket World Cup 2023: चाहत्यांसाठी आनंदाची बातमी! वानखेडे स्टेडियममध्ये चाहत्यांना मिळणार मोफत थंड पेय आणि पॉपकॉर्न, 'या' तारखेला होणार भारताचा सामना

एकदिवसीय विश्वचषक 2023 मध्ये (ICC Cricket World Cup 2023) चाहत्यांसाठी एक मोठी आणि आनंदाची बातमी आली आहे. अनेकदा स्टेडियममध्ये सामना पाहताना चाहत्यांना खाण्यापिण्यासाठी भरपूर पैसे खर्च करावे लागतात आणि हे महागडेही असते. पण मुंबई क्रिकेट असोसिएशनने एक महत्त्वाची घोषणा केली आहे. वानखेडेवर 24 ऑक्टोबर रोजी बांगलादेश आणि दक्षिण आफ्रिका यांच्यातील सामन्यानंतर MCA अध्यक्ष अमोल काळे यांनी मोठी घोषणा केली आहे. वानखेडे स्टेडियमवर होणाऱ्या विश्वचषकाचे सामने पाहण्यासाठी येणाऱ्या चाहत्यांना मोफत शीतपेय आणि पॉपकॉर्न दिले जातील, असे या घोषणेत म्हटले आहे. भारत आणि श्रीलंका यांच्यातील सामना येथे 2 नोव्हेंबरला होणार आहे. 15 नोव्हेंबरला ऑस्ट्रेलिया आणि अफगाणिस्तान यांच्यातही सामना होणार असून त्यानंतर या मैदानावर पहिला उपांत्य सामना खेळवला जाणार आहे.