Glenn Maxwell, Fastest ODI World Cup Century: ग्लेन मॅक्सवेलने रचला इतिहास, 40 चेंडूत ठोकले विश्वचषकातील सर्वात वेगवान शतक
या खेळीत त्याने 9 चौकार आणि 8 षटकार मारले. या धडाकेबाज खेळीने त्याने याच विश्वचषकात 49 चेंडूत शतक झळकावून विश्वचषकातील सर्वात जलद शतकाचा विक्रम आपल्या नावावर करणाऱ्या एडन मार्करामला मागे टाकले.
एकदिवसीय विश्वचषक 2023 मध्ये पहिले दोन सामने गमावल्यानंतर ऑस्ट्रेलियन संघाने आता शानदार पुनरागमन केले आहे. श्रीलंका आणि पाकिस्तानला पराभूत केल्यानंतर कांगारू संघाने नेदरलँड्सविरुद्ध (AUS vs NED) जोरदार आक्रमण केले. पहिले डेव्हिड वॉर्नरने (Glenn Maxwell) शतक झळकावले. त्यानंतर ग्लेन मॅक्सवेलने केवळ शतकच केले नाही तर इतिहासही रचला. त्याने अवघ्या 40 चेंडूत शतक झळकावले आणि एकदिवसीय विश्वचषकाच्या इतिहासातील सर्वात जलद शतक ठोकले. एकूणच, हे एकदिवसीय आंतरराष्ट्रीय क्रिकेटमधील चौथे जलद शतक ठरले. ग्लेन मॅक्सवेलने 44 चेंडूत 106 धावांची खेळी केली. या खेळीत त्याने 9 चौकार आणि 8 षटकार मारले. या धडाकेबाज खेळीने त्याने याच विश्वचषकात 49 चेंडूत शतक झळकावून विश्वचषकातील सर्वात जलद शतकाचा विक्रम आपल्या नावावर करणाऱ्या एडन मार्करामला मागे टाकले. म्हणजेच या विश्वचषकात सर्वात वेगवान शतकाचा विक्रम दोनदा झाला आहे. या स्पर्धेत प्रथमच मॅक्सवेलची बॅट ऑस्ट्रेलियासाठी बोलकी झाली आहे. त्याच्या खेळीमुळे ऑस्ट्रेलियाने 50 षटकांत 8 गडी गमावून 399 धावा केल्या.