Asia Cup 2022 Final: अफगाणिस्तानमध्ये श्रीलंकेच्या पाकिस्तानवर विजयाचा जल्लोष, चाहत्यांनी रस्त्यावर केला जोरदार डान्स (Watch Video)

आशिया कप 2022 (Asia Cup 2022) च्या अंतिम सामन्यात श्रीलंकेने पाकिस्तानचा (SL vs PAK) 23 धावांनी पराभव करून सहाव्यांदा विजेतेपद पटकावले. श्रीलंकेच्या या विजयाने देशवासियांना संकटकाळात आनंदाची संधी दिली आहे कारण हा देश सध्या भयानक आर्थिक संकटाचा सामना करत आहे. श्रीलंकेच्या या विजेतेपदाने केवळ त्याच्या देशातील जनताच खूश नाही तर अफगाणिस्तानातील जनताही खूश आहे. दुसऱ्या शब्दांत सांगायचे तर, अफगाणिस्तानातील (AFG) जनता श्रीलंकेच्या विजयापेक्षा पाकिस्तानच्या पराभवाने अधिक आनंदी असल्याचे दिसते. आशिया कप 2022 च्या फायनलनंतर अफगाणिस्तानच्या लोकांनी पाकिस्तानवर श्रीलंकेचा विजय साजरा केला. अफगाणिस्तानचे चाहते मॅच संपल्यानंतर रस्त्यावर आले आणि जोरदार नाचले.