Shocking! अंगावरून ट्रेन जात असतानाही फोनवर बोलत राहिली महिला; पहा अंगावर काटा आणणारा व्हिडीओ (Watch)

आजकाल मोबाईल हा जीवनाचा एक महत्त्वाचा भाग बनला आहे. फोनशिवाय लोक एक मिनिटही जगू शकत नाहीत. कधी कधी या स्मार्टफोनमध्ये लोक इतके व्यस्त होतात की, त्यांना त्यांच्या आजूबाजूला काय घडत आहे याची पर्वाही नसते. फोनवर बोलत वाहन चालवताना अनेक अपघात घडल्याचे आपण ऐकले असेल. आताही या फोनबाबत एक धक्कादायक व्हिडीओ समोर आला आहे.

व्हिडीओमध्ये दिसत आहे की, एक मुलगी रुळावर बसून आरामात फोनवर बोलत आहे आणि अचानक ट्रेन येते व तिच्या अंगावरून जाते. परंतु फोनवर बोलत असलेल्या या मुलीवर अंगावरून ट्रेन जाण्याचा काहीही परिणाम झाला नसल्याचे दिसून येते. ट्रेन अंगावरून जात असताना फोन तिच्या कानालाच लागलेला असतो व ट्रेन गेल्यावरही ती फोनवर तशीच बोलत राहते.