Delhi Burger King Shooting Video: पश्चिम दिल्ली राजौरी गार्डनमधील बर्गर किंग रेस्टॉरंटमध्ये मंगळवारी रात्री गोळीबार झाला. या ठिकाणी एका व्यक्तीची गोळ्या झाडून हत्या करण्यात आली. अमन असे पिडीत तरुणाचे नाव असून त्याच्यावर वेगवेगळ्या बंदुकींमधून जवळजवळ 40 गोळ्या झाडण्यात आल्या. त्यानंतर त्याला गंभीर अवस्थेत रुग्णालयात दाखल करण्यात आले, जिथे त्याचा उपचारादरम्यान मृत्यू झाला. घटनेनंतर याचे सीसीटीव्ही फुटेज समोर आले आहे. डीसीपी पश्चिम विचित्रा वीर यांनी सांगितले की, राजौरी गार्डन पोलीस स्टेशनला रात्री 9.45 वाजता बर्गर किंग आउटलेटमध्ये गोळीबार झाल्याची माहिती मिळाली. अधिकारी तातडीने घटनास्थळी पोहोचले. प्राथमिक माहितीनुसार 40 राऊंड गोळीबार करण्यात आला. या घटनेत एकाचा मृत्यू झाला आहे. वैयक्तिक वैमनस्यातून गोळीबार झाल्याचा संशय पोलिसांनी व्यक्त केला आहे. सीसीटीव्ही व्हिडिओमध्ये दोन पुरुष पिस्तूल काढताना आणि अमनवर गोळी झाडताना दिसत आहेत. अमनने पळून जाण्याचा प्रयत्न केला, मात्र हल्लेखोरांनी त्याचा पाठलाग केला. (हेही वाचा: Telangana Shocker: रील बनवण्याच्या क्रेझमुळे तरुणाने गमावला जीव; गळफास लावून बनवत होता व्हिडिओ)

पहा व्हिडिओ- 

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)