Dangerous Bike Stunt: ठाणे-भिवंडी रस्त्यावर तरुण व एका बुरखाधारी महिलेचा धोकादायक बाइक स्टंट; व्हिडीओ व्हायरल (Watch)

महाराष्ट्रातील भिवंडी येथून एका धोकादायक बाइक स्टंटचा व्हिडिओ समोर आला आहे. व्हिडिओमध्ये बुरखा घातलेली एक मुलगी मागे बसण्याऐवजी दुचाकीस्वाराच्या समोर बसलेली दिसत आहे आणि दुचाकीस्वार हायवेवर धावणाऱ्या इतर वाहनांना ओव्हरटेक करताना पुढे जात आहे. पाठीमागून धावणाऱ्या दुचाकीवर बसलेल्या तरुणाने त्यांचा व्हिडिओ रेकॉर्ड केला. व्हिडिओमध्ये दिसत आहे की, असा व्हिडीओ शूट होत असल्याचे पाहून स्टंट करणारा दुचाकीस्वार थांबतो आणि व्हिडिओ बनवणाऱ्या तरुणाला धमकावतो. त्याला धमक्या दिल्याचीही व्हिडीओमध्ये दिसत आहे. आता हे दोन्ही व्हिडिओ सोशल मीडियावर मोठ्या प्रमाणात व्हायरल होत आहेत. दुचाकीस्वार आणि तरुणीवर कडक कारवाई करण्याची मागणी नागरिक करत आहेत. समोर आलेल्या घटनेच्या व्हिडिओमध्ये मुलगा पल्सर बाइक चालवत आहे. झुबेर शब्बीर मोमीन असे त्याचे नाव असल्याचे सांगितले जात आहे.