Worms and Cockroaches Found in Food: सावित्रीबाई फुले पुणे विद्यापीठातील मेसमधील जेवणात आढळले किडे आणि झुरळे; विद्यार्थ्यांची कारवाईची मागणी (Video)

सावित्रीबाई फुले पुणे विद्यापीठातील मुलांच्या वसतिगृह क्रमांक 8 मधील मेसमध्ये दिल्या जाणाऱ्या जेवणात किडे आणि झुरळे आढळल्याचा धक्कादायक प्रकार समोर आला आहे. अशा निकृष्ट दर्जाच्या अन्नामुळे विद्यार्थ्यांमध्ये चिंता निर्माण झाली आहे. या संपूर्ण घटनेमुळे स्वच्छता आणि अन्न सुरक्षेबाबत गंभीर प्रश्न उपस्थित झाले आहेत. ही घटना गुरुवारी समोर आली. या घटनेला प्रतिसाद म्हणून, विद्यार्थी आणि विविध विद्यार्थी संघटनांच्या प्रतिनिधींनी एकत्रितपणे शुक्रवारी मेस बंद ठेवण्याचा निर्णय घेतला. याबाबत शनिवारी अन्न गुणवत्ता नियंत्रण समितीच्या सदस्यांसह कुलगुरूंना भेटून त्वरित कारवाईची मागणी केली जाणार आहे. विद्यार्थ्यांनी चांगल्या दर्जाच्या अन्नाची खात्री करण्यासाठी केंद्रीकृत स्वयंपाकघर स्थापन करण्याची मागणी केली आहे. यासह पर्यायी म्हणून, त्यांनी शिर्डीतील साई बाबा संस्थानकडे मेस व्यवस्थापन सोपवण्याची सूचना केली आहे, जे त्याच्या सुव्यवस्थित अन्न सेवांसाठी ओळखले जाते.

अन्न गुणवत्ता नियंत्रण समितीचे सदस्य राहुल ससाणे म्हणाले, ‘आम्हाला एका केंद्रीकृत स्वयंपाकघराची आवश्यकता आहे आणि विद्यार्थ्यांच्या आरोग्याचे रक्षण करण्यासाठी तातडीने उपाययोजना करण्याची गरज आहे. याआधी अनेकवेळा विद्यापीठातील निकृष्ट दर्जाच्या जेवनाबब्त तक्रारी आल्या आहेत. (हेही वाचा: Woman Finds Worms In Chicken: चिकन खाणाऱ्या महिलेच्या जेवणात आढळल्या अळ्या, व्हिडिओ पाहिल्यानंतर सोडणार मांसाहार, पाहा व्हिडीओ)

Worms and Cockroaches Found in Food:

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)