Western Railway Jumbo Block: रविवार, 20 मार्च रोजी पश्चिम रेल्वेचा जंबो ब्लॉक; जाणून घ्या नक्की काय असतील बदल
अंधेरी आणि गोरेगाव स्थानकांदरम्यान अप आणि डाऊन फास्ट मार्गांवर 10 ते 5 या दरम्यान सात तासांचा जंबो ब्लॉक घेतला जाईल
पश्चिम रेल्वे 20 मार्च रोजी अंधेरी आणि गोरेगाव स्थानकांदरम्यान तसेच राम मंदिर आणि जोगेश्वरी स्थानकांदरम्यान जंबो ब्लॉक घेणार आहे. पश्चिम रेल्वेने आपल्या ट्विटर हँडलवर याबाबतची नोटीस शेअर केली आहे, ज्यामध्ये ट्रॅक, सिग्नलिंग आणि ओव्हरहेड उपकरणांच्या देखभालीचे काम करण्यासाठी ब्लॉक केला जाईल असे नमूद केले आहे. रविवार, 20 मार्च 2022 रोजी ही कामे करण्यासाठी, अंधेरी आणि गोरेगाव स्थानकांदरम्यान अप आणि डाऊन फास्ट मार्गांवर 10 ते 5 या दरम्यान सात तासांचा जंबो ब्लॉक घेतला जाईल.
यासोबत राम मंदिर आणि जोगेश्वरी स्थानकांदरम्यान 5 मार्गावर 10 ते 3.30 या वेळेत साडेपाच तासांचा जंबो ब्लॉक घेतला जाईल. पश्चिम रेल्वेचे मुख्य जनसंपर्क अधिकारी सुमित ठाकूर यांनी जारी केलेल्या प्रसिद्धीपत्रकानुसार, ब्लॉक कालावधीत, अंधेरी आणि गोरेगाव स्थानकांदरम्यान सर्व अप आणि डाऊन फास्ट मार्गावरील उपनगरीय गाड्या अप आणि डाऊन स्लो मार्गांवर चालवल्या जातील. ब्लॉक दरम्यान काही उपनगरीय गाड्या रद्द राहतील. याबाबतची सविस्तर माहिती संबंधित स्टेशन मास्टर्सकडे उपलब्ध आहे.