Pune Rains: पुण्यात मुसळधार पावसाची हजेरी; अनेक रस्ते जलमय (Watch Videos)
गेल्या आठवडाभरापासून परतीच्या पाऊसाने थैमान घातले आहे. हवामान हत्याने आज संध्याकाळी राज्यातील अनेक ठिकाणी मुसळधार पावसाचा इशारा दिला होता. त्यानुसार पुण्यात विजांच्या कडकडाटासह दमदार पावसाने हजेरी लावली. शहरात दुपारी 4 च्या सुमारास पावसाला सुरुवात झाली व बघता बघता अनेक रस्ते जलमय झाले. यामुळे शहरातील नागरिकांची वाहतुकीची कोंडीसह इतर समस्यांना सामोरे जावे लागले. डेक्कन, कर्वे नगर शिवाजी नगर, संगमवाडी, येरवडा, जंगली महाराज, रस्ता, टिळक रस्ता, आपटे रस्त्यावर मोठ्या प्रमाणात पाणी साचले आहे. पुढील दोन दिवस अशाच प्रकारच्या पावसाची शक्यता वर्तवण्यात आली आहे.