Pune: पुण्यातील हेल्मेट सक्तीचा नियम घेतला मागे; जनतेच्या रोषानंतर प्रशासनाचा निर्णय

आज बातमी आली होती की, पुणे जिल्हाधिकाऱ्यांनी दुचाकी चालवताना 4 वर्षांवरील प्रत्येकाला हेल्मेट घालणे बंधनकारक केले आहे. प्रशासनाच्या या निर्णयाबाबत जनतेमध्ये नाराजी निर्माण झाली होती. आता पुणेकरांच्या टीकेनंतर प्रशासनाने आपला निर्णय मागे घेतला आहे. जिल्हाधिकार्‍यांनी हेल्मेट सक्ती मागे घेत लोकांना हेल्मेट घालण्याचे आवाहन केले असून, प्रशासन लोकांना या समस्येबद्दल जागरूक करण्याचा प्रयत्न करेल असे सांगितले. शासकीय व निमशासकीय कार्यालयातील कर्मचाऱ्यांना दुचाकीवरून ये-जा करताना हेल्मेट वापरण्याच्या सूचना देण्यात आल्याचेही त्यांनी नमूद केले. मोटार वाहन कायद्यातील सुधारणांनुसार चार वर्षांवरील व्यक्तीने हेल्मेट घालणे बंधनकारक आहे.