Pune Mandal Fire: पुण्यातील साने गुरुजी तरुण मित्र मंडळाला लागली भीषण आग; अग्निशमन दलाच्या गाड्या घटनास्थळी दाखल
व्हिडिओमध्ये दिसत आहे की, मंडळाच्या शिखरावरून आगीचे लोळ उठत आहेत. ही आग नक्की कशी लागली याबाबत अद्याप माहिती समोर आली नाही.
सध्या राज्यभरात गणेशोत्सवाची धामधूम पाहायला मिळत आहे. रस्त्या-रस्त्यावर गणपती मंडळे स्थापन आहेत. अशात या काळात काही अनुचित घटनाही समोर येतात. आता पुण्यातील साने गुरुजी तरुण मित्र मंडळाला मंगळवारी भीषण आग लागल्याची माहिती मिळत आहे. ही आग विझवण्यासाठी अग्निशमन दलाच्या गाड्या तातडीने घटनास्थळी दाखल झाल्या आहेत. सोशल मिडियावर घटनेचा व्हिडिओ व्हायरल होत आहे. व्हिडिओमध्ये दिसत आहे की, मंडळाच्या कळसावरून आगीचे लोळ उठत आहेत. ही आग नक्की कशी लागली याबाबत अद्याप माहिती समोर आली नाही. मुसळधार पावसाने आग काही मिनिटांतच विझल्याने मोठी दुर्घटना टळली आहे. साने गुरुजी तरुण गणपती मंडळाने यंदा महाकाल मंदिराची प्रतिकृती उभारली आहे. (हेही वाचा: Lalbaugcha Raja 2023: लालबागचा राजाची विसर्जन मिरवणुकीच्या तयारीसाठी उद्या चरणस्पर्शाची रांग सकाळी 6 वाजता व मुखदर्शनाची रांग रात्री 12 वाजता बंद होणार)