Mumbai: अखेर वाहतुकीसाठी खुला झाला गोखले पुलाला जोडणाऱ्या सीडी बर्फीवाला उड्डाणपुलाचा काही भाग (Watch Video)

अंधेरी हे मुंबईचे महत्त्वाचे उपनगर आहे. अंधेरीच्या पूर्व आणि पश्चिम भागाला जोडणारा गोखले पूल निकामी झाल्याने प्रशासनाला मोठा पेच सहन करावा लागला. त्याचबरोबर या भागात वाहतूक कोंडीमुळे सर्वसामान्य मुंबईकरांना दररोज त्रास सहन करावा लागत होता. मात्र आता गुरुवारपासून मुंबईकरांना यातून दिलासा मिळणार आहे. गोखले पुलाला जोडणाऱ्या सीडी बर्फीवाला उड्डाणपुलाचा काही भाग गुरुवारी सायंकाळी उघडण्यात आला. पहिल्या दिवशी अतिरिक्त महापालिका आयुक्त अभिजित बांगर यांनी नागरी अधिकाऱ्यांसोबत घटनास्थळी पाहणी केली. अंधेरी पूर्व व पश्चिम प्रवासासाठी सी. डी. बर्फीवाला उड्डाणपुलाचा भाग अंशतः उचलून तो गोपाळकृष्ण गोखले उड्डाणपुलाच्या समांतर उंचीवर जोडण्याचे आव्हानात्मक काम बृहन्मुंबई महानगरपालिकेने 78 दिवसांच्या विक्रमी कालावधीत पूर्ण केले आहे. (हेही वाचा: Mumbai: अंधेरीमध्ये जोगेश्वरी-गुंदवली फ्लायओव्हरचा स्लॅब कारवर पडला, कोणतीही जीवितहानी नाही)

पहा पोस्ट-