Mumbai Local: लहान मुलाने ओव्हरहेड वायरवर जॅकेट फेकल्याने चर्चगेट स्थानकावर लोकल ट्रेन सेवा विस्कळीत, व्हिडिओ व्हायरल (Watch)

मुंबईतील चर्चगेट स्थानकावरील फलाट क्रमांक 2 वर सोमवारी पश्चिम मार्गावरील सेवा विस्कळीत झाल्याची धक्कादायक घटना घडली. रेल्वे स्थानकावरील ओव्हरहेड वायरवर एक जॅकेट अडकले होते, त्यामुळे प्लॅटफॉर्मवर रेल्वेची वाहतूक ठप्प झाली होती. रेल्वे स्थानकावरील सुरक्षा कर्मचाऱ्यांनी कारवाई केली आणि ओव्हरहेड वायरमधून जॅकेट काढून टाकले, त्यानंतर ट्रेनच्या हालचाली पूर्वपदावर आल्या. ओव्हरहेड वायरमधून सुरक्षा कर्मचारी जॅकेट काढतानाचा व्हिडिओ सोशल मीडियावर फिरत आहे. ही घटना आज दुपारी तीनच्या सुमारास घडली. सुदैवाने, गर्दीच्या वेळेत ही घटना घडली नाही. अहवालानुसार, प्लॅटफॉर्म क्रमांक 2 वर उभ्या असताना एका लहान मुलाने हे जॅकेट ओव्हरहेड वायरवर टाकल्याचे वृत्त आहे. हा मुलगा दुसऱ्या प्लॅटफॉर्मवर उभ्या असलेल्या त्याच्या मित्राकडे जॅकेट फेकण्याचा प्रयत्न करत होता. मात्र हे जॅकेट त्याच्या मित्राच्या दिशेने उतरण्याऐवजी ओव्हरहेड वायरवर अडकले. (हेही वाचा: Central Railway Service Disrupted: डोंबिवलीजवळ LTT- Mau Express च्या इंजिनमध्ये बिघाड झाल्याने मध्य रेल्वेची सेवा विस्कळीत)

पहा व्हिडिओ-

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)