MLA Geeta Jain Slapped Officer: आमदार गीता जैन यांना राग अनावर; मनपा अभियंत्याला कॉलर धरत लगावली कानशिलात (Watch Viral Video)

आमदार गीता जैन यांनी मीरा-भाईंदर महापालिकेचा कनिष्ठ अभियंता शुभम पाटील याची कॉलर धरत त्याला कानशिलात लगावल्याचा प्रकार समोर आला आहे. या घटनेचा व्हिडिओ सोशल मिडीयावर व्हायरल होत आहे. मनपाच्या अभियंत्याने कुटुंब राहत असलेल्या घरावर कारवाई करण्यासाठी पथक पाठवले होते. या पथकात शुभम पाटील याचाही समावेश होता. घर तोडण्यासाठी पथक आल्यानंतर पीडित कुटुंबाने आमदार गीता जैन यांच्याकडे धाव घेतली होती.

त्यानंतर जैन यांनी मनापा अभियंत्याची कानउघडणी केली. 'त्या घरात लहान मुले आहेत, कुटुंब राहात आहे, आणि तुम्ही घर तोडायचे काम करता, तुम्ही माणसे आहात की राक्षस', असे म्हणत आमदार जैन या संबंधित अधिकाऱ्याची कानउघडणी केली. मात्र यावेळी अभियंता शुभम पाटील हा हसत असल्याचे आमदार गीत जैन यांच्या लक्षात आले व त्यामुळे त्यांना राग अनावर झाला आणि त्यांनी थेट पाटीलच्या कानशिलात लगावली. (हेही वाचा: लाच घेताना रंगेहात पकडण्यात आलेल्या पुणे विभागाचे अतिरिक्त विभागीय आयुक्त अनिल रामोड यांचा जामीन अर्ज पुणे विशेष न्यायालयाने फेटाळला)