Manorama Khedkar Sent to Police Custody: प्रशिक्षणार्थी IAS पूजा खेडकरची आई मनोरमा खेडकरला 20 जुलैपर्यंत पोलीस कोठडी; पुणे कोर्टाचा निर्णय

Manorama Khedkar Sent to Police Custody: भारतीय प्रशासकीय सेवा (आयएएस) प्रशिक्षणार्थी अधिकारी पूजा खेडकरची आई मनोरमा खेडकर हिला पुणे जिल्हा न्यायालयाने 20 जुलैपर्यंत पोलीस कोठडी सुनावली आहे. जमिनीच्या वादातून काही लोकांना बंदूक दाखवून धमकावल्याप्रकरणी पोलिसांनी मनोरमाला अटक केली होती. पोलिसांनी सांगितले की, मनोरमाला आज सकाळी रायगड जिल्ह्यातील महाड येथील एका लॉजमधून पकडण्यात आले. अनेक दिवस ती इथे लपून बसली होती. माहितीनुसार, मनोरमाला रायगडहून पुण्यातील पौड पोलीस ठाण्यात आणून औपचारिकरित्या अटक करण्यात आली. यानंतर मनोरमाला स्थानिक न्यायालयात हजर करण्यात आले, तेथून तिला 20 जुलैपर्यंत पोलीस कोठडी सुनावण्यात आली.

काही दिवसांपूर्वी एक व्हिडिओ समोर आला होता, ज्यात मनोरमा पुण्याच्या मुळशी तालुक्यातील धडवली गावात जमिनीच्या वादावरून काही लोकांना बंदुकीच्या धाकाने धमकावताना दिसत आहे. तेव्हापासून पोलीस मनोरमा आणि तिचा पती दिलीप खेडकर यांच्या शोधात होते. (हेही वाचा: Protein Powder विकताना भ्रामक दावे; Supplement Firm ला ग्राहक विवाद निवारण आयोगाची चपराक, भरपाई देण्याचे आदेश)

पहा पोस्ट-

#WATCH | Maharashtra: Trainee IAS Puja Khedkar's mother Manorama Khedkar has been sent to police custody till 20 July by Judicial Magistrate Court Pune. https://t.co/nlQMgJgibB pic.twitter.com/VNdlji3gxN

— ANI (@ANI) July 18, 2024

(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)

(The above story first appeared on LatestLY on Jul 18, 2024 05:38 PM IST. For more news and updates on politics, world, sports, entertainment and lifestyle, log on to our website latestly.com).