Maharashtra Assembly Elections 2024: महाराष्ट्रात 19-20 नोव्हेंबर रोजी स्कूल बस सेवा बंद; विधानसभा निवडणुकीमुळे SBOA ने घेतला मोठा निर्णय
स्कूल बस ऑनर्स असोसिएशन महाराष्ट्र (SBOA) ने पुष्टी केली आहे की, 19 आणि 20 नोव्हेंबर रोजी स्कूल बस मुलांसाठी धावणार नाहीत, कारण ही वाहने मुंबई आणि आसपासच्या परिसरात निवडणूक वाहतूक गरजांसाठी वापरली जाणार आहेत.
Maharashtra Assembly Elections 2024: महाराष्ट्रातील विद्यार्थ्यांना निवडणुकीच्या काळात काही समस्यांना सामोरे जावे लागेल. येत्या 19 व 20 नोव्हेंबर रोजी मतदानादरम्यान दोन दिवस स्कूल बस सेवा बंद राहणार आहेत. प्रादेशिक परिवहन कार्यालयांच्या (आरटीओ) निर्देशानुसार हा निर्णय घेण्यात आला आहे. स्कूल बस ऑनर्स असोसिएशन महाराष्ट्र (SBOA) ने पुष्टी केली आहे की, 19 आणि 20 नोव्हेंबर रोजी स्कूल बस मुलांसाठी धावणार नाहीत, कारण ही वाहने मुंबई आणि आसपासच्या परिसरात निवडणूक वाहतूक गरजांसाठी वापरली जाणार आहेत. अनेक शिक्षकांना निवडणूक बूथ कर्तव्ये सोपवण्यात आली आहेत, त्यामुळे नियमित वर्गांसाठी उपलब्ध कर्मचाऱ्यांची कमतरता आहे. यामुळे शाळेच्या नेहमीच्या वेळापत्रकात व्यत्यय येण्याची अपेक्षा आहे. आगामी विधानसभा निवडणुकीमुळे राज्य सरकारने शाळेचा परिसर मतदान केंद्र म्हणून वापरण्याचा निर्णय घेतला आहे. (हेही वाचा: Maharashtra Assembly Elections: धक्कादायक! विधानसभा निवडणुकीत 97 मतदारसंघांमध्ये एकही महिला उमेदवार नाही)