Lok Sabha Elections 2024: वंचित बहुजन आघाडी पक्षाने जाहीर केली 5 उमेदवारांची तिसरी यादी; बारामतीतून सुप्रिया सुळे यांना पाठिंबा

Lok Sabha Elections 2024: महाराष्ट्रातील वंचित बहुजन आघाडी पक्षाने लोकसभा निवडणुकीसाठी मंगळवारी त्यांच्या उमेदवारांची तिसरी यादी जाहीर केली. पक्षाने तिसऱ्या यादीत पाच उमेदवारांची घोषणा केली आहे. वंचितने महाराष्ट्राच्या बारामती लोकसभा मतदारसंघातून राष्ट्रवादी काँग्रेस पक्षाच्या (शरदचंद्र पवार) उमेदवार आणि पक्षप्रमुख शरद पवार यांच्या कन्या सुप्रिया सुळे यांना पाठिंबा जाहीर केला आहे. तिसऱ्या यादीत वंचित बहुजन आघाडी पक्षाने पुणे लोकसभा मतदारसंघातून वसंत मोरे, शिरूरमधून मंगलदास बागुल, औरंगाबादमधून अफसर खान, परभणीतून बाबासाहेब भुजंगराव उगले आणि नांदेड लोकसभा मतदारसंघातून अविनाश बोसीकर यांना उमेदवारी दिली आहे. वंचित बहुजन आघाडी पक्षाने आतापर्यंत एकूण 24 उमेदवारांची नावे जाहीर केली आहेत.

महाराष्ट्रात वंचित बहुजन आघाडीने महाविकास आघाडीशी युती तोडून एकट्याने निवडणूक लढवण्याचा निर्णय घेतला आहे. दोघांमध्ये जागावाटपावर एकमत झाले नाही. वंचित बहुजन आघाडी पक्षाचे प्रमुख प्रकाश आंबेडकर हे स्वतः अकोला लोकसभा मतदारसंघातून निवडणूक लढवत आहेत. महाराष्ट्रात लोकसभेच्या एकूण 48 जागा आहेत. 19 एप्रिल रोजी देशभरात पहिल्या टप्प्यातील निवडणुका होत आहेत. 4 जून रोजी मतमोजणी होणार आहे. (हेही वाचा: Sanjay Nirupam on Sanjay Raut: काँग्रेस नेत्याकडून संजय राऊत यांच्या नावाने खडे फोड, शिवसाना, राष्ट्रवादी संपविल्याचा आरोप)

वंचित बहुजन आघाडीच्यावतीने लोकसभा निवडणुकीसाठी उमेदवारांची तिसरी यादी जाहीर. pic.twitter.com/a1Gx2b9nKg

— Vanchit Bahujan Aaghadi (@VBAforIndia) April 2, 2024

(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)

(The above story first appeared on LatestLY on Apr 03, 2024 12:01 AM IST. For more news and updates on politics, world, sports, entertainment and lifestyle, log on to our website latestly.com).