Koregaon Bhima: शौर्य दिनाच्या पार्श्वभूमीवर पुणे-अहमदनगर महामार्गावरची वाहतूक उद्या रात्री 12 वाजेपर्यंत बंद

भीमा-कोरेगाव इथे  उद्या 1 जानेवारी रोजी होणाऱ्या विजयस्तंभ अभिवादन सोहळ्याच्या पार्श्वभूमीवर, पुणे-अहमदनगर महामार्गावरची वाहतूक, आज संध्याकाळी 5 वाजल्यापासून उद्या रात्री 12 वाजेपर्यंत बंद ठेवण्यात येणार आहे. दरवर्षी कोरेगाव भीमा येथे 1 जानेवारी रोजी विजयस्तंभ शौर्य दिन मोठ्या उत्साहात साजरा होतो. महार सैनिकांच्या सन्मानार्थ येथील विजयस्तंभाला मानवंदना देण्यासाठी दरवर्षी 1 जानेवारी रोजी महाराष्ट्रासह देशभरातून बौद्ध (विशेषतः पूर्वाश्रमीचे महार), अन्य दलित, शीख व इतर जातीचे लोकही लाखोंच्या संख्येने इथे येत असतात.