Sharad Pawar On Resignation: माझ्या राजीनाम्यावर माझा पक्ष एवढी तीव्र प्रतिक्रिया देईल याची मला कल्पना नव्हती - शरद पवार

Sharad Pawar On Resignation: माझ्या राजीनाम्यावर माझा पक्ष एवढी तीव्र प्रतिक्रिया देईल याची मला कल्पना नव्हती. अनेक राष्ट्रीय स्तरावरील नेत्यांनीही मला माझा निर्णय मागे घेण्याची विनंती केली. वर्षभरात सार्वत्रिक निवडणुका होणार आहेत. त्यामुळे बाजूला पडणे योग्य होणार नाही. आम्ही विरोधकांना एकत्र करण्याचे काम करत आहोत, असं राष्ट्रवादी काँग्रेसचे अध्यक्ष शरद पवार यांनी माध्यमांना प्रतिक्रिया देताना म्हटलं आहे. राष्ट्रीय अध्यक्षपदाच्या जबाबदारीतून मुक्त होण्यासाठी मी विचारपूर्वक तयारी केली होती. माझ्याकडे अजून 3 वर्षे संसदेत आहेत आणि भविष्यात राज्य आणि देशपातळीवर राष्ट्रवादी काँग्रेस पक्षाची जबाबदारी घेऊ शकेल अशी चांगली टीम तयार करण्याचा माझा विचार होता. त्यामुळे मी बाजूला पडून पुढच्या पिढीला संधी देण्याचा विचार केला, असंही शरद पवार यांनी म्हटलं आहे. (हेही वाचा - Ajit Pawar On Sharad Pawar: शरद पवार यांचा निर्णय आणि पत्रकार परिषदेतील दांडी; अजित पवार यांंनी सांगितला मनोदय)