Exit Poll 2024 Live Streaming On Aaj Tak: सत्तेची हॅटट्रिक करण्यापासून NDA ला रोखू शकेल INDIA युती? एक्झिट पोलचे निकाल 'आज तक'वर पाहू शकाल लाइव्ह

Exit Poll 2024 Live Streaming On Aaj Tak: लोकसभा निवडणूक 2024 चे निकाल 4 जून रोजी घोषित केले जातील. तत्पूर्वी आज (1 जून) मतदानाचा 7वा टप्पा पूर्ण झाल्यानंतर, संध्याकाळी विविध माध्यम वाहिन्या आणि सर्वेक्षण संस्थांद्वारे एक्झिट पोल जाहीर केले जातील. देशात कोणता पक्ष सरकार स्थापन करू शकतो? कोणत्या पक्षाला किती जागा मिळतील? याचा अंदाज या पोलमधून येणार आहे. एक्झिट पोल हे एक प्रकारचे निवडणूक सर्वेक्षण आहे. मतदानाच्या दिवशी मतदार मतदान करून मतदान केंद्राबाहेर पडल्यानंतर, त्याला विविध सर्वेक्षण संस्था आणि वृत्तवाहिन्यांच्या लोकांकडून मतदानाबाबत काही प्रश्न विचारले जातात व मतदारांनी दिलेल्या उत्तरांच्या डेटावरून एक्झिट पोल जाहीर होतात. आज संध्याकाळी तुम्ही आज तक (Aaj Tak) या हिंदी वृत्तवाहिनीवर एक्झिट पोलचे निकाल थेट पाहू शकाल. आज 1 जून रोजी संध्याकाळी 6.30 नंतर एक्झिट पोल जाहीर होतील.

अंतिम निकालापूर्वी निवडणुकीतील विजय किंवा पराभवाचा फक्त अंदाज एक्झिट पोलद्वारे घेतला जातो. एक्झिट पोलचे आकडे कधी बरोबर तर कधी चुकीचे असल्याचे सिद्ध झाले आहे. दरम्यान, 2019 च्या लोकसभा निवडणुकीत भाजपने 303 जागा जिंकल्या होत्या. एनडीएला 351 जागा मिळाल्या होत्या, तर यूपीएला 90 जागा मिळाल्या होत्या. त्या निवडणुकीत काँग्रेसला 52 जागा मिळाल्या होत्या.

या ठिकाणी थेट पहा आज तक वृत्तवाहिनीवर एक्झिट पोलचे निकाल-

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)