Chandrapur Crime: चंद्रपुरातील राजुरा शहरात गोळीबार; भाजप पदाधिकाऱ्याच्या पत्नीचा मृत्यू

चंद्रपूर जिल्ह्यात (Chandrapur District) पुन्हा एकदा गोळीबाराची घटना घडली आहे. चंद्रपुरातील राजुरा शहरात (Rajura City Firing) रविवारी रात्रीच्या सुमारास अज्ञात व्यक्तीने पुन्हा एकदा गोळीबार केला. या गोळीबारात भाजप जिल्हा उपाध्यक्षाच्या पत्नीला दोन गोळ्या लागल्या. यातील एक गोळी थेट छातीत घुसल्याने त्यांचा जागीच मृत्यू झाला. गोळीबारानंतर आरोपी फरार झाला. पोलीस त्याचा शोध घेत आहेत. दरम्यान चंद्रपूरात वाढत्या गुन्हेगारीच्या घटनेने शहरात खळबळ माजली आहे. (हेही वाचा - Irshalwadi Landslide: इर्शाळवाडी घटनेत प्रशासनाचा मोठा निर्णय, लवकरच शोधमोहिम थांबवण्याचा निर्णय)

या गोळीबारात भाजयुमो जिल्हा उपाध्यक्ष सचिन डोहे यांची पत्नी पूर्वशा सचिन डोहे (वय 27) यांचा जागीच मृत्यू झाला आहे. या गोळीबारात लल्ली नामक आणखी एक व्यक्ती जखमी झाला आहे. जखमीला चंद्रपूर येथील जिल्हा सामान्य रूग्णालयात दाखल करण्यात आले आहे. शहरातील सोमनाथपुर वार्डात रात्री नऊच्या सुमारास अज्ञातांनी सचिन डोहे यांच्या घरासमोरून एका व्यक्तीवर गोळीबार केला. गोळीबाराचा आवाज आल्याने पूर्वशा घराबाहेर आल्या. यात पूर्वशा यांना दोन गोळ्या लागल्याने त्यांचा जागीच मृत्यू झाला.

हा गोळीबार कोणत्या कारणासाठी झाला यावर प्रश्नचिन्ह आहे. सध्या आरोपी फरार असून, पोलीस पुढील तपास करत आहेत. या घटनेमुळे परिसरातून हळहळ व्यक्त होत असून जिल्ह्यात मोठी खळबळ उडाली आहे.

(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)

(The above story first appeared on LatestLY on Jul 24, 2023 10:23 AM IST. For more news and updates on politics, world, sports, entertainment and lifestyle, log on to our website latestly.com).