भाजप नेते Tajinder Pal Singh Bagga यांची CM Uddhav Thackeray यांच्याविरुध्द तक्रार; कोविड-19 नियमांचे उल्लंघन केल्याचा आरोप

भाजपचे युवा राष्ट्रीय सचिव तजिंदर पाल सिंग बग्गा यांनी महाराष्ट्राचे मुख्यमंत्री उद्धव ठाकरे यांच्याविरुद्ध मुंबईतील मलबार हिल पोलिस ठाण्यात, कोविड-19 नियमांचे उल्लंघन करत लोकांना भेटल्याबद्दल ऑनलाइन तक्रार दाखल केली आहे. शिवसेनेचे एकनाथ शिंदे यांच्या बंडखोरीमुळे मुख्यमंत्रीपद सोडण्याची तयारी दर्शवत, उद्धव ठाकरे यांनी मुख्यमंत्र्यांचे दक्षिण मुंबईतील शासकीय निवासस्थान 'वर्षा' सोडले. आज संध्याकाळी उशिरा ते त्यांच्या उपनगरातील वांद्रे येथील खाजगी 'मातोश्री' बंगल्यामध्ये राहण्यास गेले. अधिकृत अपडेटनुसार ठाकरे हे कोविड-19 पॉझिटिव्ह आहेत. वर्षा ते मातोश्री या प्रवासादरम्यान ते अनेक लोकांच्या संपर्कात आले होते.