Ajit Pawar On New NCP Working Presidents: सुप्रिया सुळे, प्रफुल्ल पटेल यांच्याकडे कार्यकारी अध्यक्ष पदाची जबाबदारी देण्याच्या घोषणेनंतर अजित पवार यांचे ट्वीट; पहा काय म्हणाले!
'हृदयात महाराष्ट्र… नजरे समोर राष्ट्र…' हा विचार घेऊन रौप्य महोत्सवी वर्षात पदार्पण करणारा राष्ट्रवादी काँग्रेस पक्ष देशाच्या आणि राज्याच्या जडण-घडणीत मोलाचं योगदान देईल अशा भावना अजित पवार यांनी बोलून दाखवल्या आहेत.
शरद पवार यांनी सुप्रिया सुळे आणि प्रफुल्ल पटेल यांच्याकडे पक्षाच्या कार्यकारी अध्यक्ष पदाची जबाबदारी दिली आहे. दरम्यान या घोषणेनंतर पक्षात आणि पवार कुटुंबात काय प्रतिक्रिया आहे याची उत्सुकता अनेकांना आहे. एनसीपीत अजित पवार यांच्यासह काही आमदार नाराज असल्याच्या चर्चा मागील काही दिवसांत रंगल्या होत्या. पण त्या बातम्यांना फेटाळत अजित पवारांनी ट्वीटर द्वारा नव्या कार्यकारी अध्यक्षांची आणि त्यांच्यासह जबाबदारी सोपावलेल्या अन्य 7 जणांचेही अभिनंदन करत पुढल्या वाटचालीसाठी शुभेच्छा दिल्या आहेत. NCP New Working Presidents: राष्ट्रवादी कॉंग्रेस पक्षाच्या 24 व्या वर्धापन दिनी शरद पवार यांची मोठी घोषणा; कार्यकारी अध्यक्ष हे नवं पद तयार करत या 9 जणांमध्ये जबाबदारीचं विभाजन .
पहा अजित पवार यांचे ट्वीट
राष्ट्रवादी काँग्रेस पक्षाच्या २४ व्या वर्धापन दिनी आदरणीय शरदचंद्र पवार साहेबांच्या मार्गदर्शनाखाली खासदार प्रफुल्लभाई पटेल आणि खासदार सुप्रियाताई सुळे यांची पक्षाच्या कार्यकारी अध्यक्षपदी निवड करण्यात आली. तसंच खासदार प्रफुल्लभाई पटेल, खासदार सुप्रियाताई सुळे, खासदार सुनिल…
— Ajit Pawar (@AjitPawarSpeaks) June 10, 2023
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Jun 10, 2023 02:33 PM IST. For more news and updates on politics, world, sports, entertainment and lifestyle, log on to our website latestly.com).
