सुप्रिया सुळेंबाबत बोलताना कृषिमंत्री अब्दुल सत्तारांची जीभ घसरली; केला गलिच्छ भाषेचा वापर (Watch Video)

कृषीमंत्री अब्दुल सत्तार हे याआधी अनेकदा आपल्या आक्षेपार्ह विधानामुळे चर्चेत आले आहेत. आता अब्दुल सत्तार यांनी सुप्रिया सुळेंवर गलिच्छ भाषेत टीका केली आहे. याआधी सुप्रिया सुळेंनी खोके देण्याच्या ऑफरबाबत टीका केली होती, त्याच पार्श्वभूमीवर एका वृत्तवाहिनीच्या पत्रकाराने सत्तार यांना प्रश्न विचारला होता. त्याला उत्तर देताना अब्दुल सत्तार यांनी सुप्रिया सुळेंबाबात अतिशय हीन दर्जाच्या शब्दांचा वापर केला. या घटनेचा व्हिडीओ सध्या सोशल मीडियावर व्हायरल होत आहे. हा व्हिडीओ समोर आल्यानंतर पुढील 24 तासांत अब्दुल सत्तार यांनी माफी मागावी अन्यथा त्यांना आमच्या भाषेत उत्तर दिले जाईल असे राष्ट्रवादीकडून सांगण्यात आले आहे.