Uday Samant On Fake Pathology Labs: राज्यात बनावट पॅथॉलोजी लॅबवर नियंत्रण ठेवण्यासाठी स्वतंत्र कायदा आणला जाणार; उदय सामंत यांचे आश्वासन

Uday Samant On Fake Pathology Labs: राज्यात बनावट पॅथॉलोजी लॅब (Fake Pathology Labs) वर नियंत्रण ठेवून त्यांच्यावर कठोर कारवाई करण्यासाठी स्वतंत्र कायदा आणला जाईल, अशी माहिती प्रभारी मंत्री उदय सामंत (Uday Samant) यांनी आज विधानसभेत दिली. सुनील राणे यांनी उपस्थित केलेल्या प्रश्नावर ते उत्तर देत होते. या स्वतंत्र कायद्यात दरावर नियंत्रण, कलेक्शन सेंटर नोंदणी, फौजदारी कारवाई या संबंधी देखील तरतूद असेल. कायदा आणण्यासाठी विलंब झाला तर सध्याच्या नर्सिंग कायद्यात सुधारणा करून कारवाई केली जाईल, असंही मंत्री सामंत म्हणाले.