Kishori Pednekar: मुंबईच्या माजी महापौर किशोरी पेडणेकर यांच्याविरोधात फसवणूकीचा गुन्हा दाखल, जाणून घ्या काय आहे प्रकरण
मुंबईतील लोअर परेल भागातील गोमाता जनता एसआरए को ऑप हौसिंग सोसायटीमधील सदनिकांचा गैरफायदा घेतल्या प्रकरणी किशोरी पेडणेकर यांच्यासह इतर चार जणांविरोधात तक्रार दाखल केली आहे.
Mumbai: मुंबईच्या माजी महापौर किशोरी पेडणेकर (Kishori Pednekar) यांच्याविरोधात वांद्रेतल्या निर्मल नगर पोलीस स्थानकात (Nirmal Nagar Police Station) फसणूकीचा गुन्हा दाखल झाला आहे. मुंबईतील लोअर परेल भागातील गोमाता जनता एसआरए को ऑप हौसिंग सोसायटीमधील सदनिकांचा गैरफायदा (SRA Scam) घेतल्या प्रकरणी किशोरी पेडणेकर यांच्यासह इतर चार जणांविरोधात तक्रार दाखल केली आहे. दरम्यान, भाजपन नेते किरीट सोमय्या (Kirit Somaiya) यांनी ट्विट करुन ही माहिती दिली आहे. ते म्हणाले आहे, मुंबई पोलीस निर्मल नगर वांद्रे पूर्व पोलीस ठाण्यात किशोरी पेडणेकर कुटुंब आणि किश कॉर्पोरेट सर्व्हिसेस प्रायव्हेट लिमिटेड विरुद्ध गोमाता जनता एसआरए वरळी मुंबई येथे फसवणूक केल्याप्रकरणी एफआयआर दाखल केला आहे. याप्रकरणी किशोरी पेडणेकर यांच्याकडून अद्याप कोणतीह प्रतिक्रिया देण्यात आलेली नाही.