'Laapataa Ladies' Campaign: महाराष्ट्रात विधानसभा निवडणुकीपूर्वी काँग्रेसने सुरु केली 'लापता लेडीज' मोहीम; राज्यातील हरवलेल्या मुली-महिलांच्या मुद्द्यावर टाकला प्रकाश

'Laapataa Ladies' Campaign: महाराष्ट्र विधानसभा निवडणुकीपूर्वी काँग्रेस सत्ताधारी महायुती आघाडीला कोंडीत पकडण्याचा प्रयत्न करत आहे. याच पार्श्वभूमीवर काँग्रेसने राज्यातील एक गंभीर मुद्दा उपस्थित करत महायुती सरकारवर निशाणा साधला आहे. राज्यात काँग्रेसने 'लापता लेडीज' मोहीम सुरू केली असून, त्यासाठी एक पोस्टर तयार करण्यात आले आहे. या पोस्टरद्वारे कॉंग्रेस राज्यातील हरवलेल्या मुली आणि महिलांच्या मुद्द्यावर भाष्य करत आहेत. महाराष्ट्रातून दरवर्षी 64 हजार मुली बेपत्ता होत आहेत, ही चिंतेची बाब असल्याचे पोस्टरमध्ये लिहिले आहे. या पोस्टर्समध्ये मुख्यमंत्री एकनाथ शिंदे यांच्यासह उपमुख्यमंत्री देवेंद्र फडणवीस आणि अजित पवार यांच्याशी साधर्म्य असलेल्या छायचित्रांचाही समावेश आहे. काँग्रेसच्या या प्रचारात विशेषत: राज्य सरकारमधील गृहखात्याची जबाबदारी असलेले देवेंद्र फडणवीस यांना लक्ष्य करण्यात आले आहे. सरकारच्या अपयशामुळे महिलांची सुरक्षा धोक्यात आल्याचा आरोप विरोधी पक्षाने केला आहे. ही पोस्टर्स महाराष्ट्रात सर्वत्र चिकटवण्यात आली आहेत.

बदलापूरमध्ये गेल्या महिन्यात दोन शाळकरी मुलींवर झालेल्या बलात्काराच्या पार्श्वभूमीवर काँग्रेसने हे अभियान सुरू केले आहे. यामध्ये विशेषत: देवेंद्र फडणवीस यांना लक्ष्य करण्यात आले आहे. राज्यात बेपत्ता होणाऱ्या महिलांपैकी 10  टक्के महिला घरी परतत नाहीत, असे देवेंद्र फडणवीस यांनी गेल्या वर्षी ऑगस्टमध्ये विधानसभेत सांगितले होते. (हेही वाचा: PM Narendra Modi Maharashtra Visit: पंतप्रधान नरेंद्र मोदी 5 ऑक्टोबर रोजी महाराष्ट्र दौऱ्यावर; ठाण्यातील लाडकी बहिण योजनेच्या कार्यक्रमात होणार सहभागी)

काँग्रेसने सुरु केली 'लापता लेडीज' मोहीम- 

कांग्रेस ने महाराष्ट्र में बीजेपी के खिलाफ लापता लेडीज कैंपेन शुरू किया है. कांग्रेस ने इसे लेकर पोस्टर छपवाए और पूरे महाराष्ट्र में इन पोस्टरों को लगवाया जा रहा है।

महाराष्ट्र से हर साल 64 हजार महिलाएं और लड़कियां लापता हो जाती हैं। pic.twitter.com/krqHqTgWU4

— Lutyens Media (@LutyensMediaIN) October 1, 2024

Congress Laapataa Ladies Poster महिला सुरक्षा प्रश्नावर सरकारला जाब विचारणारे 'लापता लेडीज' पोस्टर्स#congress #LaapataaLadies #maharashtrapolitics #bjp #cmshinde #ajitpawar #devendrafadnavis pic.twitter.com/8SEaFsjarl

— ZEE २४ तास (@zee24taasnews) October 1, 2024

(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)

(The above story first appeared on LatestLY on Oct 01, 2024 01:20 PM IST. For more news and updates on politics, world, sports, entertainment and lifestyle, log on to our website latestly.com).