Maharashtra Theaters: नाट्यप्रेमींसाठी खुशखबर! राज्यात तालुकास्तरावर 75 ठिकाणी नाट्यगृहे उभारली जाणार; मंत्री सुधीर मुनगंटीवार यांची माहिती

कलेच्या क्षेत्रातील संस्थांच्या माध्यमातून ग्रामीण भागातील कलाकारांना व्यासपीठ उपलब्ध करून दिले पाहिजे. नोंदणीकृत संस्थेच्या माध्यमातून जे कलावंत प्रयत्न करत आहेत त्यांना प्रोत्साहन आणि संधी उपलब्ध व्हावी म्हणून तालुकास्तरावर 75 ठिकाणी नाट्यगृह उभारण्याचा निर्णय घेण्यात आला आहे. यासाठी 386 कोटी रुपये निधी देण्यात येणार असल्याचे सांस्कृतिक कार्यमंत्री सुधीर मुनगंटीवार यांनी आज सांगितले. मंत्री मुनगंटीवार यांच्या हस्ते सह्याद्री अतिथीगृह येथे प्रयोगात्मक कलेच्या क्षेत्रातील नोंदणीकृत 41 संस्थांना सहाय्यक अनुदान धनादेश वाटप करण्यात आले, त्यावेळी ते बोलत होते.

मंत्री मुनगंटीवार म्हणाले, शासन प्रयोगात्मक कलेचे जतन व संवर्धन करणाऱ्या संस्थांच्या पाठीशी आहे. नोंदणीकृत संस्थेच्या माध्यमातून जे कलावंत प्रयत्न करत आहेत त्यांना मदतीचा हात शासनाकडून दिला जात आहे. आज विज्ञान युगात माहिती तंत्रज्ञानाचा प्रभाव आहे पण सुख समृद्धीचा अभाव दिसत आहे, समाधान लोप पावत आहे. कलावंतांनी राज्याचा सांस्कृतिक जपत आपले काम सुरू ठेवावे. (हेही वाचा: फ्लाईंग राणी: सामाजिक अहंकार आणि नैतिकतेच्या बुरख्याला धक्का)

कलावंतांना प्रोत्साहन देण्यासाठी तालुकास्तरावर ७५ ठिकाणी नाट्यगृह उभारण्यासाठी ३८६ कोटींचा निधी दिला जाणार असे सांस्कृतिक कार्यमंत्री @SMungantiwar यांनी सांगितले.

त्यांच्या हस्ते प्रयोगात्मक कलेच्या क्षेत्रातील नोंदणीकृत ४१ संस्थांना सहाय्यक अनुदानाचे वाटप करण्यात आले. pic.twitter.com/gbd87OYGer

— MAHARASHTRA DGIPR (@MahaDGIPR) December 4, 2023

(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)

(The above story first appeared on LatestLY on Dec 05, 2023 07:06 PM IST. For more news and updates on politics, world, sports, entertainment and lifestyle, log on to our website latestly.com).