Prophet Remarks Row: बंगालमध्ये पुन्हा उसळला हिंसाचार, लोकल ट्रेनवर दगडफेक, काही लोक जखमी

पश्चिम बंगालच्या (West Bengal) नादिया जिल्ह्यातील बेथुआदहरी रेल्वे स्थानकावर रविवारी संध्याकाळी लोकल ट्रेनवर काही लोकांनी हल्ला केला. या हल्ल्यात ट्रेनचे मोठे नुकसान झाल्याचे सांगण्यात येत आहे. एका पोलीस अधिकाऱ्याने ही माहिती दिली. भाजपच्या निलंबित प्रवक्त्या नुपूर शर्मा यांनी पैगंबर मोहम्मद यांच्यावर केलेल्या वादग्रस्त वक्तव्याचा हा हल्ला करणारा गट निषेध करत असल्याचे सांगण्यात येत आहे. पूर्व रेल्वेचे मुख्य जनसंपर्क अधिकारी एकलव्य चक्रवर्ती यांनी सांगितले की, लोकांच्या अनियंत्रित जमावाने ट्रेनवर दगडफेक केली. केवळ काही लोक जखमी झाले. तेथे सध्या एकही ट्रेन धावत नाही, आम्ही राज्य सरकारच्या परवानगीची वाट पाहत आहोत.

Tweet