Air Asia Flight Emergency Landing: थोडक्यात बचावले 168 प्रवाशांचे प्राण, एअर एशियाच्या विमानाचे कोचीमध्ये करण्यात आले आपत्कालीन लँडिंग

Air Asia Flight Emergency Landing: एअर एशियाच्या विमानाचे इमर्जन्सी लँडिंग करण्यात आल्याचे समोर आले आहे. 168 प्रवासी आणि सहा क्रू मेंबर्स घेऊन कोची ते बेंगळुरूला जाणारे एअर एशियाचे विमान कोचीन आंतरराष्ट्रीय विमानतळावरून उड्डाण केल्यानंतर काही मिनिटांतच परतले. विमानतळाच्या सूत्रांनी सांगितले की, रविवारी रात्री उशिरा बेंगळुरूसाठी रवाना झालेल्या कोची-बंगळुरू फ्लाइटमध्ये रात्री 11.15 वाजता टेक ऑफ झाल्यानंतर लगेचच तांत्रिक समस्या आली. नंतरच्या तपासणीत विमानात हायड्रॉलिक समस्या असल्याचे समोर आले.