Gyanvapi Mosque Contoversy: ज्ञानवापी प्रकरणातील सुनावणीला कनिष्ठ न्यायालयात स्थगिती, उद्या सर्वोच्च न्यायालयात होणार सुनावणी

वाराणसीमधील (Varanasi) प्रसिद्ध ज्ञानवापी मशिदीबाबत (Gyanvapi Mosque Contoversy) सर्वोच्च न्यायालयाने (SC) गुरुवारी सुनावणी शुक्रवारपर्यंत तहकूब केली. तोपर्यंत सर्वोच्च न्यायालयाने वाराणसीच्या कनिष्ठ न्यायालयाला या प्रकरणी सुनावणी करू नये किंवा आदेश जारी करू नये, असे निर्देश दिले आहेत. सर्वोच्च न्यायालयाने ज्ञानवापी प्रकरणावर उद्या दुपारी 3 वाजता सुनावणी होणार असल्याचे सांगितले आहे. तोपर्यंत वाराणसीच्या दिवाणी न्यायालयाने या प्रकरणी कोणताही आदेश देऊ नये, असे सर्वोच्च न्यायालयाने म्हटले आहे. तत्पूर्वी, हिंदू पक्षाचे वकील विष्णुशंकर जैन म्हणाले की, ज्येष्ठ वकील हरिशंकर जैन यांची तब्येत बिघडली आहे, त्यामुळे ज्ञानवापी खटल्याची सुनावणी उद्या होईल.