Congress: कॉंग्रेसचा देशभरात 26 जुलै रोजी 'सत्याग्रह', सोनिया गांधींच्या ईडी चौकशी विरुध्द कॉंग्रेस 'अॅक्शन मोड'मध्ये

नॅशनल हेराल्ड (National) प्रकरणात काँग्रेसच्या अध्यक्षा सोनिया गांधी (Sonia Gandhi) यांना  ED कडून नव्याने समन्स बजावण्यात आला आहे. या समन्सनुसार सोनिया गांधी यांना 26 जुलै रोजी  ईडी चौकशीसाठी उपस्थित राहणं अनिवार्य आहे. त्याचं पार्श्वभुमिवर कॉंग्रेसने (Congress) देशभरात शांततापूर्ण 'सत्याग्रह' करणार असल्याचा इशारा दिला आहे. तसेच कॉंग्रेसमधील सर्व खासदार, AICC महासचिव आणि CWC सदस्यांना दिल्लीत (Delhi) होणाऱ्या सत्याग्रहात सहभागी होण्याचे आवाहन करण्यात आले आहे. यापूर्वी सोनिया गांधींना ईडीनं चौकशीसाठी समन्स बजावला होता. पण त्यावेळी सोनिया गांधींना कोरोना (Corona) झाल्यामुळे त्या ईडी चौकशीसाठी उपस्थित राहिल्या नव्हत्या.